O Carballo Interplay pon o foco nos proxectos dixitais que empregan a Rede para mudar o mundo
venres, 10 de setembro do 2021
- Participantes na actividade Másters da Internet na actual edición do CIP
O
Festival de Contidos
Dixitais de Carballo, o Interplay, pecha este sábado 11 de
setembro a súa 8ª edición cunha xornada adicada aos proxectos que
empregan a Rede como “unha ferramenta para mellorar o mundo” e “a
aquelas propostas que se apoian no humor para abordar asuntos como as
relacións de parella, a saúde mental, a loita contra o machismo ou
polos dereitos do colectivo LGTBI”. O certame, un prestixioso,
sobranceiro e pioneiro achegamento ás novas correntes de creación
audiovisual e tecnolóxica, vén da man de Interplay Producións e o
Concello de Carballo.
En
concreto, o festival porá o foco na dita xornada do 11 nos aspectos
menos positivos de Internet, onde “tamén agroman os comportamentos
tóxicos, favorecidos por uns misteriosos algoritmos que multiplican
o seu alcance entre unha sociedade debilitada e fácil de alporizar”,
sinalan dende a organización, engadindo que o sábado ás 10.00
horas ábrese a xornada cunha mesa sobre Activismo na Rede
que contará coa presenza de Pol Andiñach (Vilassar de Mar, 1991),
coordinador do colectivo de xornalistas Cuellilargo e autor do libro
Todo el mundo puede ser antifa. Manual práctico para destruir el
fascismo (2021); Laura Tabarés (León, 1991), membro do
colectivo de produción cultural especializado en virtualidade e
programas educativos con perspectiva feminista Ontologías
Feministas; e parte da colectividade millennial Proyecto UNA, que
investigan sobre as guerras culturais de poder nos medios, Internet e
a realidade analóxica.
O
festival conversará tamén de Humor, precariedade xeracional e
ilustración coa viñetista, cómica e creativa Anastasia Bengoechea
(Barcelona, 1982), Monstruo Espagueti; coa ilustradora e
humorista Violeta Navas Ortega (Granada, 1994), La Prados; e
coa viñetista Roberta Vázquez (Santiago de Compostela,1989), autora
do cómico ¡Socorro! coa editorial Apa Apa.
Pecharán
a mañá de sábado Esnórquel e Perra de Satán co seu podcast
¿Puedo hablar! onde cada semana analizan, co seu particular
humor e sen censura, cuestións como a saúde mental, os seus corpos,
a política, a cultura, o ligoteo, o sexo, a depresión... e moita
televisión dos noventa. Esnórquel será, tamén, o encargado de
ofrecer ás 17h o seu Código Fonte Audiovisual, un percorrido por
vídeos de Youtube de alcance queer que marcaron a súa
adolescencia na aldea e na universidade.
A
tradicional gala de entrega de premios, ás 21h, pechará a 8ª
edición do Festival de Contidos Dixitais Carballo Interplay. “Será”,
explica a organización do certame, “un concerto escénico, unha
experiencia de resistencia na que mesturan o reguetón, as
proxeccións, o mundo dos debuxos animados e algúns premios para as
mellores series da sección oficial, entre tema e tema”.
O
programa ao completo do CIP
-Mércores
8
20h00.
Apertura
20h30.
Estrea Kamikaze
-Xoves
9
10h30.
Masters da Internet. 1º encontro transversal de creación galega en
iña
Panel
1 | Youtube e Podcast con Olaxonmario, Nee Barros, Isaac González,
Samuel L. París e Carme D. Prol. Modera: Alba Mancebo
Panel
2 | Tik Tok, Twitter e Twitch con Malva, Leti da Taberna, Jon Amil,
Mira1cousinha e Agos Reigosa. Modera: Esther Estévez
13h30.
Café con CREA: Conversas de serie web, con Sonia Mendez (Angélica
y Roberta), Irene Pin (Amnesia 3.0), Javi Camino (El
viudo quiere mimos), Óscar Cruz (colectivo Porco Bravú).
Modera: Lucía Estévez
17h00.
Sección Oficial. Bloque Galicia VO: Arrieiros Somos, Dúo
Vaguedades, Mataría MicroSerie e Pandemials.
17h00.
Taller creación contidos con FREEDA. Outros xeitos de evolucionar na
comunicación para chegar ás xeracións máis novas
19h00.
En galego, en construción. Pitching de proxectos de serie web
-Non
son a túa avoa
-Pringadas
-Pulp
Air
-Trela,
clínica de suicidios
21h00.
Estrea de Cacola, serie de David Fidalgo gañadora do Premio a
proxecto no VII Carballo Interplay
-Venres
11: Día PRO
10h30.
O xiro cara o contido de actualidade. Debate e conciencia
social: con Freeda, Canal 180 e Playz.
11h30.
Contidos dixitais e innovación. Onde poñen o foco as canles
públicas?: con RTP Lab e Televisión de Galicia.
12h30.
Presentación produtoras e creadores dixitais de Portugal:
Promenade, Galo Bravo, PiXbee, MT 360 / ManyTakes, Wonder Maria
Films, Ankylosaur, Todos.pt
16h00.
Sección Oficial. Internacional 1: Dominos 2, Historias Migrantes,
Pepper, todo por un like e Refugee Roads.
17h00.
AGADIC. Unha nova vía para a produción de series web. Con
Dolores Meijomín, directora de política audiovisual da AGADIC.
17h30.
Encontro PRO
17h30.
Sección Oficial. Internacional 2: #WFH, Cross, Freedom Farm
Sanctuary, Good Monsters e Mortal Glitch.
20h00.
Pochosfera: momentos penosos da internet. Con David Pareja e
Lorena Iglesias
22h00.
Rajando con... Carolina Iglesias, Victoria
Martín e Henar Álvarez
-Sábado
11
10h00.
A Internet de mudar as cousas
Panel
1 | Activismo na Rede: Proyecto UNA, Ontologías
Feministas, Cuellilargo
Panel
2 | Humor, precariedade xeracional e ilustración: Monstruo
Espagueti, La Prados, Roberta Vázquez
13h00.
Puedo hablar? Con Perra de Satán e Esnórquel
16h00.
Sección Oficial. Internacional 3: Best Before (Meilleur Avant),
Over And Out, Psicóticas Inseguras e What’’s Next?
17h30.
Sección Oficial. Estatal: Amor superdotado, Backstage, Drácula,
el vampiro gallego, I am Who I am, La reina del pueblo e Riders.
19h00.
CFA Esnórquel: Maricón.mp4 – Miradas queer en 240p
21h00.
Entrega de premios con Fer Epelde + Rebel Gardens.