O CSIC Galicia conmemora o 11-F cunha manchea de actividades de divulgación offline e nas redes sociais
xoves, 10 de febreiro do 2022
O
Consello
Superior de Investigacións Científicas (CSIC) únese un ano máis
en Galicia á conmemoración do Día Internacional da Muller e a Nena
na Ciencia, este venres 11 de febreiro. Faino cun programa de
actividades que inclúe desde conferencias en centros de ensino a
campañas en redes sociais.
Iniciativas
da Delegación Institucional do CSIC en Galicia
Até
o 18 de febreiro, a Unidade de Cultura Científica (UCC) do CSIC en
Galicia leva a cabo no seu Instagram
unha campaña de difusión das colaboracións con El Faro
de Vigo, con especial énfase na sección Ciencia do día a
día. O CSIC responde, que involucra a varios centros do Consello
en Galicia. Precisamente esta semana a sección dedica un especial
protagonismo á muller na I+D+i coa publicación do artigo Ás
meniñas dicímoslles que loiten polos seus soños: son posíbeis?,
no que a xornalista Selina Otero entrevista ás técnicas de apoio á
investigación Lara García (IIM) e Cristina Álvarez (UTM).
Amais,
este 11 de febreiro celebrarase un multitudinario encontro cos 56
centros educativos participantes no proxecto Faro da Escola, no que
Lara García (IIM) e Cristina Álvarez (UTM) conversarán con
alumnado e docentes sobre a súa vocación, o seu traballo e a súa
experiencia a bordo de buques oceanográficos. O título desta
actividade, que vén en dúas sesións para adaptarse aos distintos
niveis dos escolares, é Ciencia en feminino. As científicas
tamén foron á escola, e será
moderada
pola responsábel da UCC do CSIC en Galicia, Luisa Martinez.
Tamén
este venres 11 a Delegación Institucional do CSIC en Galicia
(Santiago de Compostela) acolle un encontro entre o delegado do
Goberno, José Miñones, o delegado institucional do CSIC en Galicia,
Javier Rey, e científicas do CSIC en Galicia.
Iniciativas
da Misión Biolóxica de Galicia
A
MBG puxo en marcha no seu perfil
en Twitter a campaña #somosmaioría, cuxa finalidade é
visibilizar a posición da muller na I+D+i e, en concreto, na MBG,
centro composto na súa maior p arte por mulleres tanto nos seus
diferentes perfís como en postos de responsabilidade. Na campaña
participan estudantes predoutorais e técnicas de investigación:
Carmen Vega, Lucía Martín, Noemi Gesteiro, Ana Isabel Carballeda,
Elena Zubiaurre e Beatriz Lago.
A
campaña compleméntase con actividades de divulgación cuxo
principal labor é promover o interese do público feminino de
Pontevedra na ciencia.
Por
unha banda, persoal de investigación da MBG está a visitar estes
días centros de ensino da provincia de Pontevedra -CEIP Cabanas,
CEIP San Martiño, CEIP Vilaverde- e CEIP Manuel Padín Truiteiro-
para impartir charlas sobre as súas investigacións.
Por
outra banda este venres a sede da MBG (El Palacio, Salcedo) acollerá
a mesa redonda A muller na investigación: obstáculos e desafíos,
que será moderada pola subdelegada do Goberno en Pontevedra, María
del Carmen Larriba e que contará coas intervencións de Elena
Cartea, directora da MBG e xefa do grupo Xenética, Mellora e
Bioquímica de Brásicas; Carmen Martínez, xefa do grupo
Viticultura, Oliveira e Rosa; e Ana Carballeda, axudante de
investigación do grupo Bioquímica e Fisioloxía de Cultivos. Será
ás 12.00 no salón de actos do Pazo e é de entrada libre até
completar aforamento.
Iniciativas
do Instituto de Estudos Galegos Pai Sarmiento
O
IEGPS emitirá este venres no seu
perfil en Twitter e na súa páxina
web un vídeo divulgativo para visibilizar ás mulleres que, con
diferentes perfís, desenvolven o seu labor no centro, e tamén
ofrecerá un fío sobre Mulleres na Humanística galega.
O 16
de febreiro celebrarase o webinario Violante de Aragón en
Galicia: Poder feminino e xeopolítica peninsular na segunda metade
do século XIII, impartido por Rosa María Rodríguez Porto, da
Universidade de Santiago de Compostela. Poderase seguir ás 17.00
horas a través de Conecta CSIC.
O 23
de febreiro ás 12.00 horas ofrecerá unha visita guiada ás súas
instalacións, coa colaboración do Concello de Santiago, con motivo
do Día de Rosalía de Castro e o 25 de febreiro acollerá o
seminario de especialización Espazos litúrxicos en mosteiros
femininos na Iberia medieval; impartido por Mercedes Pérez
Vidal, da Universidade de Oviedo. Será ás 10.00 horas con entrada
libre.
Iniciativas
do Instituto de Investigacións Mariñas
Desde
a UCC+i do centro e o grupo Procesos Oceánicos en Cambio Global
redactaron un artigo divulgativo como primeira edición da iniciativa
Lanternas da Ciencia, que nace coa perspectiva
de repetirse nos seguintes 11-F. Nesta primeira edición, a
investigadora predoutoral Marta López Mozos divulga a figura de
Eunice Newton Foote, científica do século XIX e primeira persoa en
describir os gases de efecto invernadoiro como posíbeis causantes do
quecemento global. O artigo publicarase este venres en El Faro de
Vigo e na web do centro.
Apoiarase ademais nas ilustracións de Laura Romero (@laurandcolours)
e en publicacións nas redes sociais do IIM que profundarán na
información de mesmo.
O
Servizo de Biblioteca do IIM, en colaboración coa UCC+i do centro,
pon en marcha 11F: Roda Científica, un xogo didáctico con
probas sobre algunhas das mulleres que marcaron un antes e un despois
na ciencia, baseado no famoso programa Pasapalabra. O xogo,
que xa está dispoñíbel no
perfil de Twitter do Instituto, irá dando as respostas ao longo
do mes até o día 8 de marzo (Día da Muller Traballadora).
Por
último, ademais das charlas organizadas en colaboración coa UCC do
CSIC en Galicia, o IIM completa o seu programa para esta xornada coa
publicación do vídeo Embarcadas: unha ollada á vida das
científicas no B/O Sarmiento de Gamboa, que se
publicará o 23 de febreiro na
súa canle de YouTube. O vídeo, gravado e producido pola
investigadora Lara García Alves, presentarase nunha versión
reducida á iniciativa #Cóntame11F, e mostra o traballo de varias
científicas do IIM embarcadas na campaña do proxecto ECOSUMA, a
finais de 2021.
Iniciativas
do Instituto de Investigacións Agrobiológicas de Galicia
Esta
semana Nieves Vidal González, do grupo Biotecnoloxía de Especies
Leñosas, visita os centros de ensino Neira Vilas (Gondomar) e
Eduardo Pondal (Cangas) para impartir charlas para o alumnado acerca
da diversidade das árbores e o cultivo in vitro.
Maria
Concepción Sánchez Fernández e Purificación Covelo Abeleira, do
mesmo grupo, estarán estes días no CPR Inmaculada (Marín), IES
Ortigueira (Ortigueira) e IES Plurilingüe Terra de Turonio
(Gondomar) para falar ao alumnado sobre Viveiro de árbores e
científicas e A ciencia non ten xénero.
Iniciativas
do Centro de Supercomputación de Galicia
Este
venres no salón de actos da Facultade de Ciencias da Educación
(Campus Vida) da Universidade de Santiago de Compostela, celébrase a
Xornada
(In)Formativa e Divulgativa Mulleres STEM do S. XXI. O
seu obxectivo é dar a coñecer o relevante papel das mulleres no
mundo profesional, empresarial e académico vinculados coas
disciplinas STEM e visibilizar o talento das mesmas nos contextos
profesionais STEM en Galicia.
O
CESGA participa impartindo a conferencia inaugural A formación
como ferramenta estratéxica para o desenvolvemento do talento
feminino STEM, a cargo de María José Rodríguez Malmierca,
responsábel do Departamento de e-Learning e ferramentas
colaborativas do citado centro. A asistencia poderá realizarse con
carácter presencial ou con carácter virtual.
Iniciativas
do Instituto Español de Oceanografía
As
actividades do IEO con motivo do 11-F enmárcanse á súa vez en
Oceánicas a muller e a oceanografía, un proxecto do
Instituto Español de Oceanografía en colaboración coa Fundación
Española para a Ciencia e a Tecnoloxía.
Persoal
do Centro Oceanográfico da Coruña (Pilar Díaz, Dolores Garabana,
Mónica Castaño, Elena Rey, Carlota Rodríguez e María Reparaz)
imparte estes días charlas para o alumnado de CPI Castro Baxoi
(Miño), IES Breamo (Pontedeume), CEIP Mestre Martínez Alonso (Mos),
IES Nº1 de Ribeira (Ribeira), CEIP Jorge Juan (Perlío) e CEIP
Vale-Inclán (Perillo).
A
temática das charlas abrangue desde os perigos e os coidados dos
océanos á contaminación marítima, pasando polo papel da muller
científica.
Tamén,
persoal desa sede do IEO farase unha fotografía e mostrará carteis
da efeméride para reivindicar o acceso e a participación das
mulleres e as nenas na educación, a capacitación, a ciencia e a
tecnoloxía. Esta foto compartirase nas súas redes sociais en
Facebook e Twitter.
Persoal
do Centro Oceanográfico de Vigo imparte tamén esta semana charlas
para o alumnado de CPI Cova Terreña (Baiona), C.P.R. Compañía de
María (Vigo), CPI Curros Enríquez (Pazos de Borbén), EEI A
Galeriña (Pazos de Borbén), IES Carlos Casares (Vigo), CEIP Frián
(Vigo), IES Ricardo Mella (Vigo), San José de Cluny (Vigo), CEIP
Santiago de Oliveira (Ponteareas), CEIP Ría de Vigo (Vigo), CEIP O
Pombal (Vigo), Colexio Losada (Vigo) e CEIP San Martiño
(Pontevedra). A temática das charlas abrangue desde as mulleres na
oceanografía aos perigos dos plásticos nos océanos.