O CPEIG convoca o XII Premio Traballo Fin de Mestrado en Enxeñaría Informática
mércores, 14 de xullo do 2021
O
Colexio Profesional de Enxeñaría en Informática de Galicia (CPEIG)
convocou a décima segunda edición do Premio Traballo Fin de
Mestrado en Enxeñaría Informática. O obxectivo deste galardón, en
palabras do colexio que preside Fernando Suárez, é “ser un
estímulo para os estudantes e titulados recentes ou mestrados en
Enxeñaría en Informática”.
Nas
bases do certame sinálase que poden concorrer ao premio todas
aquelas enxeñeiras e enxeñeiros en Informática que presentaran
nunha universidade galega o traballo fin de mestrado da Enxeñaría
en Informática nos anos 2019, 2020 e 2021.
Aqueles
estudantes que queiran optar ao premio do CPEIG poden remitir a
documentación precisa (ficha resumo do traballo, resumo e memoria
completa do mesmo) ata o día 27 de setembro ao seguinte enderezo
electrónico: informacion@cpeig.gal. As bases e o formulario para
presentar a candidatura están xa dispoñíbeis no portal
www.cpeig.gal.
Mediante
a organización deste premio, o colexio profesional busca achegarse
ao colectivo estudantil e defender as vantaxes da colexiación,
ademais de estimular o traballo dos estudantes.
Os
tres finalistas terán dereito a un ano de colexiación. O gañador
ou gañadora recibirá, ademais, unha gratificación económica de
1.000 euros. Unha comisión experta, integrada por representantes do
CPEIG e das tres universidades galegas, valorará os traballos
recibidos e seleccionará o traballo gañador.
Noite
da Enxeñaría en Informática
O
devandito recoñecemento do CPEIG insírese nos premios da 13 Noite
da Enxeñaría en Informática de Galicia, prevista para o día 29 de
outubro en Santiago de Compostela. Este evento anual, ademais de
representar un punto de encontro entre todos as/os colexiadas/os,
conta cunha destacada participación de cargos empresariais,
institucionais e políticos e é un referente para o sector.