O CDTIC acolle unha sesión demostradora do ERP libre Odoo
xoves, 10 de marzo do 2016
O Centro Demostrador TIC (CDTIC) organiza o dÃa 15 de marzo
a sesión demostradora Xestión práctica das vendas dunha empresa
comercial: Odoo Vendas que se impartirá na Aula CeMIT de Vigo en
horario de 16:00 a 20:00 horas por parte de AnubÃa Soluciones de la Nube,
empresa de consultorÃa, formación, desenvolvemento e implantación de solucións
de software libre para a xestión completa de empresas de aplicacións na nube.
O obxectivo da xornada é mostrar as vantaxes que ten a
aplicación informática Odoo para a xestión integrada e completa en contornos
globais (diferentes divisas, numerosos idiomas ou contorno multicompañÃa); da
xestión da parte comercial e administrativa (contabilidade, vendas e
facturación) e a xestión loxÃstica da empresa (almacéns), coas vantaxes dunha
aplicación de software libre (alta personalización e adaptación aos factores
propios de cada empresa).
No transcurso da actividade presentaranse os módulos de Odoo
para a xestión comercial, administrativa e loxÃstica dunha empresa de compra e
venda de produtos, explicarase o funcionamento básico e a configuración destes
módulos e exporase un caso desta xestión e realizarase un exercicio práctico.
Este sesión está dirixida a empresas de compra-venda (tanto
por xunto como polo miúdo) que utilizan diferentes canles (tradicional ou
comercio electrónico) e que están interesadas en mellorar o tratamento dos
datos xerados ao longo da súa actividade loxÃstica e empresarial, coa
finalidade de progresar na súa xestión diaria e de permitirlles aos órganos
directivos unha mellor toma de decisións.
Para participar nesta actividade cómpre inscribirse na web
do CDTIC, sendo a asistencia de balde.