O Asus PadFone Infinity chegará con pantalla Full HD de 5 polgadas

luns, 25 de febreiro do 2013 Marcus Fernández

Asus non só amosou hoxe en Barcelona o seu curioso tablet-teléfono de 7 polgadas, senón que tamén reincidiu no seu concepto de smartphone que pode transformarse en tablet, o PadFone, que hoxe presenta unha nova iteración, o PadFone Infinity, que está composto dun potente móbil con pantalla de 5 polgadas con resolución Full HD e unha pantalla de 10,1 polgadas (cunha resolución de 1.920 x 1.200 píxeles) na que pode integrarse.
O PadFone Infinity funciona con Android 4.2, procesador Qualcomm Snapdragon 600 de catro núcleos a 1,7 GHz, 2 Gb de RAM, 32/64 Gb de almacenamento interno, conectividade LTE, Wi-Fi, Bluetooth 4.0 e NFC, GPS, cámaras de 13 e 2 Mpíxeles e batería de 2.400 mAh, permitindo esta última unha autonomía de ata 19 horas en conversa (3G), que incrementaríase ata 40 horas de conectarse o smartphone á pantalla que o converte nun tablet. Esta potente combinación de móbil e tablet, ao elevar considerablemente as súas prestacións fronte aos seus antecesores, ten un prezo que só está ao alcance duns poucos: 999 euros.

PUBLICIDADE