O 85% da superficie empresarial da provincia de Lugo gozará de Internet a máis de 100 Mbps ao remate do ano
mércores, 12 de setembro do 2018
O delegado territorial da Xunta en Lugo, José Manuel
Balseiro, mantivo esta mañá unha xuntanza coa asociación que agrupa aos
empresarios dos polÃgonos industriais de Sarria (O Morelle e San Xulián de
Veiga) que veñen de beneficiarse recentemente da ampliación de cobertura das
redes de Internet ultrarrápida (ou sexa, de máis de 100 Mbps), salientando que ao
remate do presente ano o 85% da superficie empresarial ocupada da provincia de
Lugo tamén gozará de tal cobertura en virtude do desenvolvemento do Plan de
Banda Larga da Xunta.
Na provincia de Lugo xa se benefician desta actuación 11
polÃgonos industriais e no que falta de ano chegarase a outros 3 máis, acadando
un total de 14 superficies empresariais conectadas a redes ultrarrápidas. As
empresas dos polÃgonos beneficiados desta medida do Plan poden contratar
servizos de Internet a través de fibra óptica cunhas velocidades de ata 350
Mbps de baixada e 35 de subida, e cunha garantÃa de caudal do 80% sen lÃmite de
descargas.
A AMTGA subvenciona estes despregamentos cunha axuda de 3,4
millóns de euros, que xerarán un investimento total de de 5,2 millóns de euros.
Estas subvencións cofináncianse ao 75% polo Fondo Europeo AgrÃcola de
Desenvolvemento Rural (FEADER) no marco do Plan de desenvolvemento rural de
Galicia 2014-2020 (PDR).
