O 40% das portabilidades cancélanse

luns, 29 de novembro do 2010 Marcus Fernández

A ninguén sorprende que moitos usuarios solicite a portabilidade do seu número de teléfono móbil a outra compañía para forzar ao seu operadora actual a que contraoferte para retelo coma cliente, o que parece estar moi lonxe de ser unha práctica puntual, pois segundo datos da CMT cada mes hai 400.000 liñas móbiles que cambian de operador mentres que uns 267.000 usuarios cancelan o cambio de compañía, ou sexa, que o 40% das portabilidades quedan nun farol, que habitualmente vai seguido da solicitude dun novo terminal telefónico (en moitos casos, un smartphone).
Cómpre destacar que en moitos casos esta práctica non resulta satisfactoria para o usuario, por non poder facerse con terminais de alta gama coma o iPhone 4 (por precisar dunhas condicións de contratación moi concretas que compensen á compañía de telefonía a subvención do terminal) ou por non chegar a un acordo dentro da fiestra de tempo dispoñible para a negociación.

PUBLICIDADE