O 27 de maio a AETG celebra o seu cuarto encontro de fraternidade
luns, 16 de maio do 2022
O
vindeiro 27 de maio vaise celebrar na Coruña a
cuarta edición do Encontro de Confraternización de Asociados da
Asociación de Enxeñeiros de Telecomunicación de Galicia (AETG).
Será unha xornada de especial significado para as persoas
integrantes do colectivo, xa que se retoma logo de dous anos de
paréntese motivada pola crise pandémica. Celebrarase como dixemos o
vindeiro venres 27 no Museo Estrella Galicia da Coruña (MEGA). A
AETG sinala que este emprazamento constituirá “o marco perfecto
para compartir experiencias e proxectos persoais e profesionais”.
O
encontro incluirá a visita guiada ao museo e á fábrica de cervexa,
que concluirá co tradicional xantar de pé.
Este
evento, segundo engade a AETG, foise consolidando dende o primeiro
intre como o encontro anual dos enxeñeiros e enxeñeiras de
Telecomunicación asociados de Galicia, “coa intención de poñer
en valor a importancia de pertencer ao colectivo e de compartir
vivencias e proxectos propios cos compañeiros”.