O 20 de xuño temos unha cita en Lugo cos grandes retos tecnolóxicos do noso tempo
mércores, 12 de xuño do 2019
A
empresa lucense TripleM
Projects, xunto cun grupo de firmas colaboradoras e agrupadas
baixo o nexo común de faceren networking (entre
as que se inclúe Noa Innova),
vai organizar o día 20 de xuño unha máis que relevante cita
empresarial arredor das vantaxes e retos da transformación e a
revolución tecnolóxica. A Xornada DAM 2019, que contará coa presenza de sobranceiros
relatores-profesionais do todo o eido peninsular (responsábeis de
firmas punteiras estatais e internacionais dos máis destacados
sectores), desenvolverase baixo o seguinte epígrafe: Estratexias
e innovación empresarial na nova economía dixital. Será unha
ocasión óptima para informarnos sobre os retos da nova economía e
sobre as repercusións do escenario dixital nas empresas.
En
palabras da organización, o obxectivo é “ofrecer unha visión
global dos desafíos aos que nos enfrontamos e das alianzas que
moitos de nós podemos e debemos tecer para manternos e medrar neste
novo escenario dixital”.
A
cita será no Instituto CIFP As Mercedes de Lugo, en horario matinal.
Ao seu abeiro, os asistentes poderán dar conta das experiencias dos
14 relatores convocados, unhas experiencias que teñen en común o
feito de abrollar directamente do proceso integral de transformación
que estamos a vivir, impulsado pola creatividade, a innovación e a
dixitalización.
Entre
os conferenciantes atópanse especialistas nos devanditos tres puntos
como por exemplo Fernando Freitas, director executivo de Dextra, Iván
Caloto, director executivo de Valydo, Jesús Campos de las Heras,
director executivo de Guía de la Calidad, Juan Diego Gallego, xefe
de Marketing de Trustynet, Manuel Vázquez Corredoira, director
executivo de TripleM, Octavio Vázquez Corredoira, director de Pcm+n-Dapedra, Óscar Rodríguez González, director xeral de Ledisson AIT
ou Senén Quindós, CFO de Pcm+n-Dapedra-TripleM.
En
definitiva, a finalidade da xornada é axudar, solucionar e dar
resposta aos interrogantes desencadeados pola transformación dixital
e poder ofrecer unha visión dos novos procesos de negocio, novos
mercados, novas capacidades, novos talentos, que achegan novas
oportunidades a través das novas formas de facer, aplicábeis ás
empresas participantes e á contorna no que se desenvolven.