Novos detalles de The Elder Scrolls Online
venres, 4 de maio do 2012
Tras o anuncio do desenvolvemento
de The Elder Scrolls Online por
parte de Bethesda as informacións sobre o xogo que veremos en 2013 para PC e
Mac non cesan, dándose a coñecer que o título leva en desenvolvemento dende
2007, involucrando a 250 traballadores, que contará con voces para todos os
personaxes e poderá xogarse cun punto de vista en terceira persoa, detalle que,
xunto a moitos outros que separarían a este título de The Elder Scrolls V: Skyrim indicarían que buscan un xogo masivo estándar para resultar cómodos aos
usuarios afeitos ao mesmo.
- O xogo contará coas clases habituais nos títulos deste xénero
The Elder Scrolls Online terá
distintos tipos de clases, puntos de experiencia e distintas profesións, como é
habitual no xénero, precisando dunhas 120 horas de xogo para poder chegar ao
máximo nivel do noso personaxe, que deberá especializarse en certas disciplinas.
Os xogadores repartiranse en 3 faccións (Ebonheart Pact, Aldmeri Dominion e
Daggerfall Covenant), poderán formar grupos de ata 5 xogadores e combinar as
habilidades das distintas clases.
A nivel gráfico estaremos ante un xogo tinguido de debuxo animado, lembrando
a Kingdoms of Amalur: Reckoning, como
puidemos ver nalgunha das moitas imaxes do xogo que están a circular pola web.
Amais, tamén vén de estrear un trailer de presentación:
- The Elder Scrolls Online poderá xogarse en terceira persoa
- O xogo reparte aos usuarios en 3 faccións
