Novo número da edición impresa de Código Cero

Portada do número 54 de Código Cero

Como tódolos meses, chega outro número de Código Cero na súa edición impresa, que se pode achegar de balde nunha completa rede de puntos de distribución, podéndose descargar tamén en formato PDF.
Nesta nova entrega tratamos especialmente o lanzamento da nova web de Informativos da Televisión de Galicia (da que tamén nos fala Daniel Salgado Lemos, xefe do Servizos de Marketing e Audiencias da CRTVG), así como da renovación da web do Sistema de Información Ambiental da Consellería de Medio Ambiente.
Ademais tratamos outros temas entre os que destacamos os seguintes:

• A Coruña celebrou un foro que serviu para afondar no fenómeno dos serious games
• Novidades de Microsoft
• Entrevista con Manuel Balseiro, director xeral de Coremain
• A empresa Hospedaxes fálanos dos segredos do marketing dixital
• Entrevista a Xavier Aineto, director da área de Innovación da empresa IDOM
• E-vacacións aptas para tódalas economías
• Votar en liña: un caramelo para os internautas
• Recursos web para botarnos ó monte no verán polo simple pracer de camiñar
• O problema (mundial) dos refugallos tecnolóxicos
• Escolma dos gadgets que nos entraron mellor polo ollo ó longo destas semanas
• A Rede ocupada: medran o activismo e as mobilizacións anti-sistema na Internet
• Que diferenza hai entre a Web 2.0 e 3.0?
• Xogos: Un verán con xogos de película