Novo micrófono USB de HyperX

martes, 19 de xullo do 2022 Marcus Fernández

A marca de accesorios para gamers de HP, HyperX, moi popular polos seus auriculares, tamén ten produtos enfocados ao streaming como os seus micrófonos SoloCast e QuadCast, aos que agora súmase un modelo que queda nunha gama intermedia, o HyperX DuoCast.
Estamos ante un micrófono USB cun anel de luz RGB que lle outorga unha estética moi característica (controlable a través do software HyperX NGENUITY); permite captar son a 24 bits e 96 kHz cun baixo nivel de ruído; o seu deseño integra un sistema ante vibración; conta cun botón para poder silenciar o micrófono e unha rosca para axustar o nivel de ganancia; e pode operar cun patrón omnidireccional ou cun patrón cardioide (poden mudar de patrón con só premer un botón). Integra unha toma para auriculares, un adaptador de montura e un filtro anti-pop interno.
Falamos dun micrófono que podería considerarse como de gama media, cun prezo que estará no contorno dos 100 euros, o que estaría a medio camiño entre o SoloCast e o QuadCast, aínda que actualmente este novo micrófono tardará en atopar un oco no mercado, xa que actualmente o HyperX Quadcast está de oferta a menos de 100 euros en numerosos establecementos, podendo funcionar este micrófono con catro patróns polares diferentes, polo que estamos ante un produto máis completo que actualmente sería unha mellor compra.

O HyperX DuoCast é un micrófono orientado a streamers

PUBLICIDADE