Nova revista de videoxogos nos quioscos españois

A primeiros de agosto comentamos que Unidad Editorial estaba a preparar unha nova revista de videoxogos, e finalmente chegará aos quioscos esta semana, cunha atrevida aposta nun momento de crise para as publicacións impresas, que pretende destacar cubrindo todas as plataformas actuais e cun prezo moi competitivo, xa que pese a contará con 180 páxinas só custará 1,9 euros.
Marca Player sairá este mércores, co reto de procurar convencer por igual a hardcore gamers como a xogadores ocasionais, repartindo os seus contidos en 12 seccións diferenciadas que van dende a información sobre a actualidade ata a guía de compras.
Os profesionais que se encargan deste novo proxecto teñen moita experiencia no sector, participando en distintas publicacións do sector, das que a máis destacada podería ser a data de hoxe a Revista Oficial de Xbox, contando tamén con colaboradores de peso coma Nacho Ortiz (xefe de redacción de Meristation), David Guaita (produtor do programa de videoxogos Jugones) ou a xente de Akihabara Blues.
No primeiro número desta publicación abordarán xogos coma Gears of War 2 para Xbox 360, GTA Chinatown Wars para Nintendo DS, FIFA 09, PES 2009, Prince of Persia, Star Wars: El Poder de la Fuerza, Pocoyó, Rock Band, Play Chapas, Saints Row 2 e outros títulos. Tamén entrevistarán a Hideo Kojima e tratarán distintos temas de lecer (televisión, DVD, CD…).
Para saber un pouco máis deste proxecto tamén podemos ver unha reportaxe que lle dedicaron no programa de televisión Insert Coin, que se pode seguir actualmente en AXN e SETenVEO: