Nintendo presenta novidades sobre Pokémon
xoves, 9 de xaneiro do 2020
No último Pokémon Direct desvelaron hoxe numerosos detalles sobre os xogos de Pokémon para 2020, entre os que destacan especialmente dous: os pases de expansión de Pokémon Espada e Pokémon Escudo e o xogo Pokémon Mundo Misterioso: Equipo de Rescate DX para Nintendo Switch.
Que as grandes entregas de Pokémon para Nintendo Switch, Escudo e Espada vaian contar con pase de expansión é un curioso xeito de continuar enriquecendo estes tÃtulos sen lanzar secuelas, como teñen feito en edicións anteriores. Estes pases de expansión poden mercarse por 29,99 euros e inclúen novas historias e Pokémon por descubrir, asà como novas áreas silvestres que explorar. Tamén permitirán atopar Pokémon lendarios (tanto novos como xa coñecidos). Estes pases inclúen dúas expansións que chegarán respectivamente no verán e no outono.
Máis cedo, o vindeiro 6 de marzo, sairá á venda para Nintendo Switch o xogo Pokémon Mundo Misterioso: Equipo de Rescate DX, que convidaranos a explorar un precioso mundo reimaxinado, crear un grupo de rescate partindo de Pikachu, Eevee e Charmander e afrontar misións para salvar a Pokémon en territorios xerados aleatoriamente. Este xogo xa conta cunha versión de proba dispoñible na Nintendo eShope, de xeito que os interesados xa poden coñecer o que ofrecerá este tÃtulo que como curiosidade non fai que o xogador encarne a un adestrador humano, senón que adoptará a forma dun Pokémon.
- En Pokémon Mundo Misterioso: Equipo de Rescate DX adoptaremos o rol dun Pokémon
VÃdeo co Pokémon Direct de hoxe