Netgear lanza unha nova solución Wi-Fi mesh
luns, 14 de outubro do 2019
As redes Wi-Fi tipo malla están a converterse na mellor solución
para gozar dunha boa conectividade á Rede en moitos fogares, con Netgear como
un dos grandes fabricantes de referencia, especialmente coa súa liña de
produtos Orbi, que vén
de renovarse coa incorporación dunha nova solución Wi-Fi mesh de dobre
banda, que consiste nun router Wi-Fi ao que poden engadirse varios
satélites para mellorar a cobertura doméstica.
Estes novos produtos non supoñen unha mellora con respecto a anteriores
modelos, senón que simplemente adoptan un novo factor forma bastante orixinal,
que fuxe do formato vertical previo, e pretende asà casar mellor coa decoración
doméstica.
Estes trebellos poden conseguir velocidades conxuntas a través de
Wi-Fi de até 1,2 Gbps, o que é máis que dabondo para a meirande parte de fogares,
podendo controlarse esta rede a través de aplicacións móbiles ou incluso
mediante ordes de voz (o sistema é compatible co asistente de Google e con
Alexa).
Esta nova proposta de Netgear aposta por un prezo máis axustado, de feito que o
sistema RBK13, que inclúe un router e 2 satélites, sae á venda nos EE.UU. a un
prezo de 229,99 dólares (209 euros), o que é un prezo bastante axustado para a
liña Orbi, aÃnda que cómpre advertir que fabricantes como TP-LINK ofrecen unha
solución semellante por 135,70 euros, polo que enténdese que os
consumidores que optar pola solución de Netgear confÃan especialmente na marca.