Nathalie Picquot será a directora xeral de Twitter España

martes, 3 de outubro do 2017 Redacción

Tras meses co cargo vacante, finalmente Twitter España estreará en novembro unha nova dirección xeral, recaendo o cargo para España e Portugal en Nathalie Picquot, profesional que durante 11 anos ocupou distintos postos en Google España (directora de axencias, vídeo e branding, responsable da área de branding ou directora de desenvolvemento de partnerships estratéxicos).
Picquot anunciou a súa nova etapa profesional en Twitter, aínda que cómpre recoñecer que o seu posto vai requirir grandes esforzos, xa que terá que desenvolver a estratexia de negocio, marketing e vendas de Twitter en España e Portugal, así como impulsar o crecemento de negocio en ambos territorios, nun momento complicado para Twitter, pois pese á súa grande visibilidade nos medios de comunicación está a experimentar un estancamento en número de usuarios, mentres que Instagram medra meteoricamente.
Dende Twitter confían en que a experiencia de Picquot axude a consolidar o equipo en España.

PUBLICIDADE