NBA LIVE 20 non chegará a consolas este ano

mércores, 30 de outubro do 2019 Marcus Fernández

A franquía de xogos de baloncesto de EA Sports leva anos dando tombos ao non ser quen de competir cos títulos de 2K Games, e aínda que coa cancelación do NBA LIVE 13 parecía que tiraran a toalla definitivamente, ousaron volver ao mercado con xogos de consola e para móbiles, dando a impresión de que só as versións menores poden sobrevivir neste contorno competitivo, e así temos que cancelan o xogo NBA LIVE 20 antes de chegar a anuncialo.
EA Sports anunciara en xullo aos seus investidores que adiaba o seu novo NBA LIVE de consolas para finais de ano, pero agora confírmase que NBA 2K20 non terá competencia este ano, e Electronic Arts centrará os seus esforzos en preparar un xogo de baloncesto digno para as consolas de nova xeración que chegarán na campaña de Nadal de 2020.

PUBLICIDADE