Músicos e artistas xuntan forzas nunha web para homenaxear ao escritor Manuel Seixas
mércores, 14 de xaneiro do 2015
Arredor das homenaxes
(homenaxes sorpresa) que se lle están adicando ao escritor e músico
arousán Manuel Seixas (amais de profesor de FilosofÃa, tal e como
ben lembra quen escribe e quen tivo a sorte de telo de mestre), vénse
de pór en marcha unha páxina web, Sonhado
con Seixas, que é ante todo un convite literal a coñecer (e
soñala) a traxectoria do autor de A velocidade do frÃo
(Premio Xerais). Amais da web, a
actividade festiva non é precisamente pouca: versións das súas
cancións feitas por outros grupos, unha festa propiamente dita e
textos de homenaxe feitos por compañeiros. Todo para pór de relevo
ao artista e a quen hai detrás do artista, responsábel de cousas
como o mÃtico grupo Korosi Dansas ou o selo discográfico e
literario Madame Mir.
Segundo puidemos saber, a
web en cuestión foi presentada por sorpresa os dÃas pasados na Illa
de Arousa, facéndose fincapé na súa arela de amosar do xeito máis
completo e clarificador posÃbel o labor multidisciplinar de Seixas.
Porén, e este é un dos puntos fortes da proposta dixital, boa parte
dese labor e dese legado amósase a través de quen o coñece ben:
xente como Josito Porto (autor do texto-homenaxe Arriba esas
cañas!), os integrantes de Zenzar ou Ruxe Ruxe (facendo versións
dos temas de Seixas), Fran Montoiro (co seu debuxo inspirado en A
velocidade do frÃo) ou Alberto Busto (Xente Positiva),
entre outros moitos (Pito de Pikasso, De Lombaos, Quilma, Xurxo
Souto, etc). Na páxina hai textos, músicas e material gráfico,
todo artellado a xeito de xaneliñas que son como as facetas do
legado do autor. Ou mellor dito: de como os demais son quen de ver,
grazas a Seixas, o seu legado.
Segundo explica ao CCG
Vituco Neira, de Ruxerruxe, "optamos por facer un web no canto
dun disco conmemorativo porque asà o proxecto permite que se vaian
incorporando novas colaboracións; a maiores sabiamos que ademais de
músicos, xente doutras disciplinas querÃa participar, e pareceunos
que era o máis axeitado". Lembrar tamén que se trata dun
proxecto dixital aberto, precisamente coma unha festa que non ten
trazas de rematar e á que se vai incorporando xente, polo que en
breve chegarán novas contribucións musicais, gráficas ou
literarias.