Movistar presenta o seu novo router Wi-Fi 6

xoves, 28 de abril do 2022 Marcus Fernández

Movistar está a presentar o seu novo router Smart WiFi 6, que despregará entre os seus clientes de xeito progresivo, e que ofrecerá mellor conectividade sen fíos no fogar incrementando a velocidade até 3,5 veces e a cobertura até un 25% con respecto do actual router Smart WiFi. Amais, o novo router é capaz de mover máis datos simultáneos, de xeito que serviría para conectar máis dispositivos á vez.
O novo router funciona tanto na banda de 2,4 GHz e a de 5 GHz, pero cun único nome de rede sen fíos, de xeito que os dispositivos conectaranse a través da frecuencia que resulte óptima en cada momento, sen que haxa cortes durante a transición entre o router e o seu amplificador opcional.
O novo router Smart WiFi 6 integra 9 antenas internas, pode xestionar velocidades de conexión de até 4 Gbps, administra até 40% máis capacidade (soportando máis dispositivos á vez), ten un mellor rendemento, incrementa a seguridade ao adoptar o estándar WPA3 e asegura un consumo mínimo de enerxía.

PUBLICIDADE