Monster Hunter: World estrea versións para PS4 e Xbox One
venres, 26 de xaneiro do 2018
Hoxe chega
a PlayStation 4 e Xbox
One un dos xogos de Capcom máis importantes de todo o ano, que na súa
versión para PC farase esperar até o outono de 2018. Falamos de Monster Hunter: World,
última entrega dunha franquÃa que vendeu máis de 40 millóns de copias en todo o
mundo, e que desta volta dá un importante paso adiante ao permitir que o público
xaponés (moi fiel a esta saga) e o occidental poida xogar conxuntamente en
liña.
O xogo permÃtenos cazar e exterminar monstros xigantescos nun incrible
ecosistema vivo e dun nivel gráfico espectacular, que tanto pode gozarse en
solitario ou acompañado con outros 3 cazadores en cooperativo, sendo incluso
posible pedir axuda a outros grupos de xogadores durante as partidas en
solitario.
En Monster Hunter: World séguese a
aventura dos Dragóns Anciáns no inicio da súa década migratoria a través do mar
cara a unha terra coñecida como o Novo Mundo, e como parte dunha comisión de
investigación do gremio de cazadores os xogadores deberán embarcarse nunha
grande aventura cara a este inmenso e misterioso territorio. Como grande obxectivo
estará Zorah Magdaros, un colosal Dragón Ancián que se alza sobre a terra como
un volcán.
Esta nova entrega da saga procura ser máis accesible que as anteriores, cun
sistema de progresión no que os desafÃos irán medrando en función dos avances
que vaiamos facendo, sendo posible empregar tamén o contorno para crear trampas.
Tamén é digno de mención que Capcom continuará a recibir contidos de balde
despois do seu lanzamento, entre os que destaca en PlayStation 4 un contido
especial inspirado no xogo Horizon Zero
Dawn.
Tráiler de lanzamento de Monster Hunter: World