Monster Hunter 3 Ultimate sairá o 22 de marzo en Europa
xoves, 17 de xaneiro do 2013
Unha das grandes bazas de Nintendo para os vindeiros meses é o feito de que
conseguise que Monster Hunter 3 Ultimate
vaia ser un xogo exclusivo para as súas consolas, confirmando agora que estará
dispoñible o vindeiro 22 de marzo para Nintendo 3DS e Wii U, o que supón a
estrea desta saga en 3D e alta definición respectivamente e que dende o 21 de
febreiro contará tamén con versión de demostración de balde descargable dende a
Nintendo eShop.
Este xogo de caza de monstros xa superou no Xapón os 2 millóns de copias
vendidas e conseguiu unha magnÃfica puntuación por parte da revista Famitsu
(que valorouno cun 38 sobre 40) polo que o éxito desta superprodución de Capcom
en Europa parece garantido.
A versión para Wii U do xogo ofrecerá uns incribles gráficos en alta definición
e incluso tirará proveito do novo mando da consola de Nintendo, permitindo tamén
o uso do micrófono e o chat do mando para establecer comunicacións con outros
xogadores. A versión para Nintendo 3DS pola súa banda optará por aproveitar as
tres dimensión para conseguir unha nova experiencia de xogo.
Monster Hunter 3 Ultimate tamén terá
funcionalidades multixogador, coa posibilidade de xogar con ata 4 xogadores na
versión de 3DS facendo uso da conexión local, e tamén con 4 xogadores na
versión de Wii U (aÃnda que neste caso xogando en liña) sendo posible tamén a
competición entre usuarios de Wii U e 3DS a través da conexión local.
- O xogo conserva a súa clásica mecánica de caza de monstros, pero cun nivel gráfico moi superior ao de anteriores entregas
Trailer de Monster Hunter 3 Ultimate