Mobilización na Rede para impedir as fumigacións que danan ás abellas
martes, 24 de abril do 2012
Unha boa parte da Rede galega semella estar
pechando fileiras estes dÃas arredor dunha actividade de mobilización en liña
concreta: a
recollida colectiva de sinaturas para loitar contra a vindeira fumigación
de pesticidas programada para a nosa terra, unha acción destinada a controlar a
praga do goniptero, que é un insecto que afecta especialmente ás plantacións de
eucaliptos. Pola contra, e segundo advirten os responsábeis desta campaña (que
vén da man de Manuel Casal e está apoiada por ADEGA ou Verdegaia), o pesticida
non só vai levar por diante a dita praga, senón tamén ás abellas que se atopen
neses montes.
Segundo advirten as ditas asociacións, o
produto a empregar é o Cascade, que é seguro para o medio ambiente e para as
persoas segundo sinala ASPAPEL (os fabricantes de papel que promoven a fumigación),
pero moi prexudicial segundo advirten as entidades ecoloxistas. Para
corroboralo recordan que un dos seus principios, o flufenoxurón, está arestora
prohibido pola Unión Europea.
A campaña en liña leva recollidas xa case
4.400 sinaturas, sendo o obxectivo recoller 600 máis para acadar a máxima
eficacia da iniciativa. Esta vén da man, como dixemos, de Manuel Casal e da Plataforma
contra as Fumigacións – Por un Futuro sen Pesticidas, que ten páxina web de seu. A Rede galega
ferve estes dÃas de información sobre o problema dos pesticidas para as abellas,
tal e como nos recordan dende Verdegaia:
· Comunicado
coa posición da Asociación Galega de Apicultura.
· Comunicados
da devandita Plataforma contra as Fumigacións.
· Postura de asociacións como Perros
Adopción, Mundo
Galiza ou da Federación
Rural Galega, entre outras moitas.
· Sobre a prohibición do insecticida que se
pretende empregar, comunicados da Unión Europea (pdf),
de Higiene Ambiental (pdf),
ou de Portalreach.info.