Microsoft vai comercializar mandos mellorados para a Xbox 360 en cores cromadas

Microsoft anunciou que o seu último mando de xogo sen fíos para a Xbox 360 (que conta cunha cruceta mellorada) vai contar con versións cromadas, de xeito que a partir do vindeiro mes será posible atopalos en cor prata, azul e vermello, dependendo a dispoñibilidade dos distintos mercados, e estando o seu prezo nos EE.UU. fixado en 55 dólares, mentres que en Europa deberían custar 49,99 euros cada un, estando dispoñibles só por tempo limitado e con unidades tamén limitadas.
É de agardar que estes mandos mellorados pasen a ser en breve os controis que inclúan as futuras Xbox 360, aínda que polo momento continúan a venderse cos controladores básicos. A mellora da cruceta do mando consiste que, mediante unha rotación da mesma, pódese modificar a súa altura, facendo que os dedos do xogador a perciban mellor, o que resulta moi práctico para certos xogos como os de loita.