Microsoft e Movistar fan máis doada a compra de aplicacións para Windows Phone
venres, 5 de xullo do 2013
Microsoft e Movistar
asinaron os días pasados un
acordo de colaboración destinado a pór aos seus clientes as
cousas máis doadas en materia de descarga e compra de aplicacións
para Windows Phone. Máis polo miúdo, do que se trata é de permitir
que os clientes da operadora que adquiran apps para o dito
sistema utilicen unha opción de pago con cargo directo o á factura
do seu móbil ou ao saldo da súa tarxeta, en caso de ser cliente de
prepago. “O novo sistema permite aos clientes de Movistar a
compra de aplicacións coa máxima transparencia, facilidade e
seguridade”, informaron as dúas compañías.
E engaden: “Deste
xeito redúcese o número de pasos precisos para a
compra e ofrécese unha alternativa aos usuarios que carecen de
tarxetas de crédito ou outros medios de pago, ou que
son reticentes a ofrecer os seus datos”. Co fin de preservar a
seguridade e evitar cargos non desexados en caso de perda ou roubo, o
usuario que o desexe pode configurar o servizo para que antes de
pechar o pago dunha compra o sistema solicítelle o seu PIN. Informar
que as apps adquiridas asócianse ao Live IDE do
usuario, sumándose á biblioteca persoal de aplicacións, que se
transfiren automaticamente en caso de restauración ou cambio de
terminal.