Metal Slug 3 xa se pode descargar para Xbox 360

mércores, 2 de xaneiro do 2008 Marcus Fernández

Hoxe incorpórase á oferta do bazar de Xbox Live Arcade o videoxogo Metal Slug 3, todo un clásico das recreativas que nos permite tomar o papel dos 4 protagonistas da saga (Marco, Tarma, Eri e Fio), así como lembrar as armas e vehículos que tantas horas de diversión proporcionaron nas distintas entregas, respectando o xogo orixinal.
Metal Slug 3 é un dos xogos arcade do seu estilo de mellor aceptación por parte do público, así como o máis completo da saga, que nesta nova entrega incorpora a posibilidade de xogar en rede a 2 xogadores á vez.
Este título se pode descargar para Xbox 360 por 800 Microsoft Points.

PUBLICIDADE