Metal Gear Survive inicia a súa beta para Xbox One e PS4
xoves, 18 de xaneiro do 2018
Dende hoxe e até o vindeiro domingo vai desenvolverse unha
beta do xogo Metal Gear Survive, de xeito
que os interesados en catar este tÃtulo que non sairá á venda até o 22 de
febreiro teñen unha oportunidade ideal para probar 3 misións a través de 2
mapas no modo cooperativo do xogo (que permite até 4 xogadores en liña), de
xeito que se contribúe ao desenvolvemento do xogo ao mesmo tempo que se lle bota
unha ollada que facilitar a decisión de compra. Durante a beta tamén ofrecerase
unha misión diaria especial.
Para poder gozar desta fase de probas temos que descargar
a versión beta do xogo da tenda dixital de Xbox One ou de
PlayStation 4, quedando a versión
para PC fóra da beta.
Metal Gear Survive non é unha entrega
máis da saga de Metal Gear Solid,
senón que realmente trátase dun xogo de supervivencia inspirado en Metal Gear Solid V: The Phantom Pain,
tÃtulo do que considérase un spin-off,
aÃnda que o resultado é bastante diferente, froito da fusión de elementos de
infiltración, tácticas defensivas e supervivencia.
AÃnda que a beta está centrada no modo cooperativo, o xogo tamén contará cun
modo para un xogador, que centrarase en narrar a historia do xogo e na
aprendizaxe dos seus elementos de xogo, ou sexa, que vén a ser unha sorte de
adestramento para o xogo en liña.
- O xogo non esquece os elementos de infiltracións propios da saga
- O xogo traslada a acción a un universo paralelo cheo de infectados, converténdose nun survival
Tráiler de Metal Gear Survive
