Metal Gear Solid HD Collection</Em> terá versión para PC

martes, 14 de xuño do 2011 Marcus Fernández

Co gallo do E3 Konami anunciou que o vindeiro mes de novembro poderiamos gozar dos remakes en alta definición de varios xogos da saga de Metal Gear Solid nun recompilatorio chamado Metal Gear Solid HD Collection, e que incluiría adaptacións de Metal Gear Solid 2: Sons of Liberty, Metal Gear Solid: Snake Eater e Metal Gear Solid: Peace Maker, que chegarán en Blu-ray para a PlayStation 3 e en DVD para Xbox 360, sorprendendo que no comunicado da compañía figura unha versión para PC (Windows) da que non se dan detalles (polo que é de agardar que chegue máis tarde), pero que é toda unha sorpresa.
Pese a que a numeración dos xogos poida resultar algo confusa, cronoloxicamente as aventuras que narran estes títulos comezarían nos anos 60, en plena Guerra Fría, nunha xungla soviética na que rescatar a un científico secuestrado en Metal Gear Solid 3: Snake Eater (xogo que tamén chegará este ano á Nintendo 3DS); continúa en Metal Gear Solid: Peace Walker (título publicado na PSP que pedía a gritos unha versión para unha consola doméstica, ante as eivas presentadas polo seu sistema de control), que transcorre en Costa Rica no ano 1974; e finalmente Metal Gear Solid 2: Sons of Liberty é unha aventura situada na actualidade, que destaca pola primeira aparición na serie de Raiden (personaxe que terá un xogo de seu posiblemente en 2012).

PUBLICIDADE