Mestrelab presenta o proxecto Futurelab, a gran contribución galega á dixitalización dos laboratorios
mércores, 5 de maio do 2021
- Francisco Conde nunha visita recente á sede de Mestrelab
Este
5 de maio celebrouse
un encontro telemático arredor do proxecto galega Futurelab
(Laboratorio Dixital do Futuro), no marco do cal a empresa
tecnolóxica Mestrelab deseñou un software que xa empregan 150.000
científicos en todo o mundo e máis de 1.500 institucións
académicas, laboratorios e empresas como as que desenvolven as
vacinas contra a COVID-19.
No
encontro participou o vicepresidente económico e conselleiro de
Economía, Francisco Conde, quen salientou que “Mestrelab está
contribuíndo a que Galicia sexa pioneira e unha referencia a nivel
internacional na dixitalización dos laboratorios de I+D na industria
farmacéutica, biotecnolóxica ou química”.
Na
sesión online deste mércores 5, na que participaron as
restantes entidades participantes no proxecto, fíxose saber que o
seu obxectivo concreto foi “o desenvolvemento dunha contorna
dixital intelixente que dese soporte á globalización, conexión e
automatización dos laboratorios nas industrias farmacéuticas,
biotecnolóxicas e químicas, así como a universidades e a centros
de investigación gobernamentais”.
O
proxecto FutureLab está subvencionado pola Axencia Galega de
Innovación (GAIN), mediante o Programa Industrias do Futuro 4.0
(terceira convocatoria) e co-financiado con cargo aos fondos FEDER no
marco do programa operativo FEDER Galicia 2014-2020. Tamén está
apoiado pola Consellería de Economía, Emprego e Industria.