ManyCam permite aplicar efectos ás videoconferencias

Moitos usuarios de PC senten certa envexa ao ver coma os maqueiros poden empregar efectos especiais durante a realización de videoconferencias, pero un programa chamado ManyCam chega para solucionar esta carencia.
ManyCam funciona como unha webcam virtual intermedia, que toma a imaxe da nosa cámara web física e inserta efectos como integrar obxectos sobre a imaxe, amosar fondos personalizados, aplicar efectos especiais (modificando cores, efectos de lente, amosando lume cando nos movemos…), incrustando accesorios na cara do usuario (coma perrucas, ollos saltóns, cara de gato, cornos…) e outras opcións que enriquecen a experiencia de uso durante videoconferencias, o que é de agradecer especialmente ao ter en conta que esta aplicación é de balde.