Manual para construÃr un cargador solar caseiro para o iPod
xoves, 23 de agosto do 2007
A Rede, entre moitas outras cousas, ofrece
unha gran oportunidade para aqueles de nós que sen ser enxeñeiros (nin moito
menos) temos algún interese pola construción caseira de pequenos e prácticos
trebellos. Unha fonte de recursos deste tipo podémola atopar no blog de Yosemit,
no que o responsable do mesmo fixo un cargador solar DIY para o seu iPod, xa que,
polo visto, durante as vacacións non Ãa ter oportunidade de conectarse a unha
rede eléctrica, nin moito nenos a un ordenador.
O resultado é dende logo interesante, xa que o
proceso de construción semella moi doado, máis non precisamente atopar os materiais
precisos na volta da nosa casa como pode pasar nos Estados Unidos (razón pola
que o construtor inclúe ligazóns das tendas en liña polas que andou o blogueiro).
Segundo o construtor deste trebello, a idea foi a de imitar unha fonte de carga USB (de 5V e menos de 500mA) algo que se acada coa axuda dun pequeno panel solar, un regulador de voltaxe, unha ficha USB femia e un par de fÃos. Móntanse as partes cun soldador de estaño segundo uns planos (moi simples) que se inclúen no sitio e, logo, cun pouco de velcro asegúrase o noso panel á mochila e xa poderemos ir de roteiro ou acampada gozando da nosa música. So queda esperar que saia o sol…