Madres Paralelas recupera o debate sobre a censura automatizada en redes sociais
venres, 13 de agosto do 2021
A novo filme de Pedro Almodóvar, Madres Paralelas, provocou un grande rebumbio estes días
despois de que Instagram censurase o cartel da produción publicado
polo seu autor, Javier Jaén, por presentar unha mamila en primeiro plano, o
que fixo rexurdir o debate sobre a censura predominante sobre este tipo de
imaxes que deberían resultar naturais.
Ás poucas horas da censura inxustificada, un voceiro de Facebook
desculpouse polo bloqueo da imaxe en Instagram, argumentando que o contexto
artístico do cartel publicado claramente non incumpría as normas da plataforma
no que á prohibición de espidos se refire.
Pedro Almodóvar agradeceu o
apoio ao cartel, á vez que criticou que existan algoritmos que decidan
cando unha imaxe resulta ou no obscena, asegurando que «hai que estar alerta
antes de que as máquinas decidan que podemos facer e que non podemos facer», ou
que engadiu que «por moita información que posúa o algoritmo nunca terá corazón
nin sentido común».
En calquera caso, a polémica provocou que o filme protagonizado por Penélope
Cruz, Milena Smit, Israel Elejalde e Aitana Sánchez-Gijón reciba moita atención
de cara á súa estrea en cines o vindeiro 10 de setembro, promoción
especialmente beneficiosa na conxuntura actual na que os cines están a pasar momentos
difíciles, co público reticente a acudir ás salas de exhibición e políticas de
explotación das obras moi cambiantes, o que non favorece a volta a unha
normalidade que probablemente será bastante diferente do panorama
cinematográfico pre-pandemia.