Lucky’s Tale estrea versión para Quest 2
xoves, 18 de novembro do 2021
En 2016 o casco de realidade virtual Oculus Rift estreouse
cuns poucos xogos que axudaron á xente a familiarizarse coa realidade virtual,
como Lucky’s Tale, tÃtulo de plataformas que gañou o corazón de moitos
xogadores e que Playful
Studios vén de remasterizar para Oculus Quest 2, de xeito que conta
agora con iluminación e renderizado actualizados, audio remesturado e mellores
movementos por parte do personaxe protagonista, Lucky, pequeno raposo ao que controlaremos
en terceira persoa mentres corre, salta, trepa e xira nun mundo cheo de cor.
Este xogo de plataformas no que podemos introducirnos de xeito inmersivo sae á venda a
un prezo de 19,99 euros, e promete unha cómoda experiencia de xogo, sendo
un tÃtulo apto para todas as idades e niveis de destreza que agora ábrese a un público moi amplo, xa que actualmente as Quest 2 superan os 10 millóns de unidades, converténdose no dispositivo de VR de maior éxito até o momento.
Tráiler de Lucky’s Tale para Quest 2