Let’s Sing 2025 chegará ás tendas o 5 de novembro

O xogo musical Let’s Sing 2025, tras adiantarse que contará con versión para Nintendo Switch, PS4, PS5, Xbox One e Xbox Series X|S, confirma agora que chegará ás tendas o vindeiro 5 de novembro, a tempo para a campaña de Nadal, así como se adiantan moitas da cancións que incluirá, no que aseguran que é o catálogo máis extenso da serie.
Este xogo festivo contará cunha orixinal aventura profesional narrada, unha xogabilidade nova e mellorada, e eventos de tempada para que os usuarios poidan demostrar as súas habilidades como cantantes durante todo o ano.
Let’s Sing 2025 está deseñado para adaptarse a todos os estilos de xogo e niveis de canto, ofrecendo unha grande variedade de modos de xogo en solitario, local e multixogador en liña.
Cómpre salientar que, aparte do seu catálogo musical, tamén será posible acceder a un catálogo ampliado mediante o Pase VIP que ofrece 150 cancións dende o primeiro día, e que estaría dispoñible de balde durante un mes.
Algúns dos temas deste ano serían yes, and? de Ariana Grande, Arranca de Becky G ft. Omega, Beautiful Things de Benson Boone, What Was I Made For? de Billie Eilish, Solo Si Es Contigo de Bombai ft. Bebe, Summer de Calvin Harris, Everytime We Touch de Cascada, Me Rebuso de Danny Ocean, The A Team de Ed Sheeran, Hakuna Matata de El Rey León, Cupid de FIFTY FIFTY, Dog Days Are Over de Florence + The Machine, La Luz de Juanes, Standing Next to You de Jung Kook, Love Yourself de Justin Bieber, S91, Mi Ex Tenía Razón e Ay, Dios Mío! de KAROL G, Strangers de Kenya Grace, Forget Me de Lewis Capaldi, Corazón en la Maleta de Luis Fonsi, La Bachata de Manuel Turizo, El Merengue de Marshmello e Manuel Turizo, Stolen Dance de Milky Chance, Uprising de Muse, Good 4 U de Olivia Rodrigo, I Ain’’t Worried de OneRepublic, Solamente Tú de Pablo Alborán, El Patio de Pablo López, (It Goes Like) Nanana de Peggy Gou, Darte un Beso de Prince Royce, Lose Control de Teddy Swims, Zombie de The Cranberries, Dancing in the Moonlight de Toploader e Mi Deseo de Wish: El Poder de los Deseos.