Lenovo presenta un impresionante smartphone para gamers
xoves, 8 de abril do 2021
Lenovo tamén ve interesante comercializar smartphones de
grande potencia orientados ao público que gusta especialmente dos videoxogos,
para os que presenta o seu novo Lenovo
Legion Phone Duel 2, smartphone cun deseño moi simétrico para facilitar
unha boa ergonomÃa e que integra tanto unha cámara de vapor como medida de
refrixeración pasiva e un par de ventiladores para axudar a conter a
temperatura do dispositivo e asà poder manter o rendemento do móbil para gozar
dos xogos de xeito estable durante tempos prolongados.
Este novo smarphone está equipado cun potente procesador Qualcomm Snapdragon
888, ou sexa, que ten conectividade 5G, pero tamén pode presumir de até 18 GB
de memoria LPDDR5 e até 512 GB de almacenamento UFS 3.1, ou sexa, que a súa
memoria é tan xenerosa como rápida, conseguindo asà un moi bo desempeño. Outro
elemento a destacar é a súa pantalla AMOLED de 6,92 polgadas con HDR10+ e unha
velocidade de refresco de 144 Hz, acompañada por unha taxa de refresco táctil
de 720 Hz, caracterÃsticas nas que apenas ten competencia.
A súa grande baterÃa de 5.500 mAh sorprende cunha carga rápida de 90 watts, xa
que normalmente hai que manter certo equilibrio entre capacidade e velocidade
de carga, e desta volta conseguiron destacar simultaneamente en ambos apartados.
O Lenovo Legion Phone Duel 2 está orientado a un uso en horizontal, agarrado
con ambas mans, polo que dispón nun dos seus laterais de botóns especiais
destinados ao seu uso en videoxogos a xeito de gatillos, contando tamén con
funcións táctiles especiais en pantalla e na traseira do dispositivo.
AÃnda que no apartado fotográfico os móbiles gaming non buscan destacar,
desta volta sorprenden cunha cámara periscópica de 44 MpÃxeles que busca captar
con calidade ao usuario cando realice retransmisións por streaming dende o
móbil. Tamén conta cunha máis tradicional cámara traseira de 64 MpÃxeles que
está acompañada por unha cámara de ultra grande angular de 16 MpÃxeles.
Este móbil sairá á venda en maio a un prezo que partirá dos 799 euros para a
versión con 12 GB de RAM e 256 GB de almacenamento, mentres que con 18 6 GB de
RAM e 512 GB de almacenamento custará a partir de 999 euros.
VÃdeo coa presentación do novo smartphone gaming de Lenovo