Lendmarket, Sharenjoy, Dooing IT e Converfit, novas startups aceleradas por ABANCA
mércores, 30 de xaneiro do 2019
Xa
temos finalistas para participar no segundo programa de aceleración
de ABANCA Innova, palestra empresarial posta en marcha pola entidade
financeira galega. Trátase de catro startups co nexo común
de aplicar unhas importantes doses de espÃrito innovador aos
servizos financeiros tradicionais: Lendmarket,
Sharenjoy, Dooing
IT e Converfit. Segundo
informou
ABANCA, as iniciativas de fintech finalmente elixidas poderán
recibir até 60.000 euros en financiamento.
Meténdonos
na análise rápida de cada unha das novas firmas, todas elas da nosa
terra, Lendmarket pon en xogo un mercado en liña privado para a
compra e venda de investimentos en préstamos a PEME orixinados por
fondos de direct lending. Polo que se refire a Sharenjoy,
trátase dunha plataforma de venda de microseguros que protexen aos
asistentes de eventos de lecer e solucións de salvagarda da
identidade dixital. Dooing IT, pola súa banda, é unha plataforma de
recomendación de investimento en ciberseguridade e comercialización
de seguros de ciber-risco. Por último, Converfit pon en xogo unha
ferramenta que segmenta a todo o público que chega a unha páxina
web a través da Intelixencia Artificial e Aprendizaxe Máquina (o
que se coñece como Machine Learning).
Logo
da fase de deseño e validación de cadanseu modelo de negocio (a
fase sementa) comezou o pasado 7 de xaneiro unha nova andaina
do proceso de aceleración, a fase brota, que incluirá (entre
outras cousas) probas de investidores, préstamos participativos
(15.000 euros, coa posibilidade de recibir outros 45.000 ao rematar
esta etapa), axudas das empresas colaboradoras da aceleradora, acceso
á rede de networking de HubIN, novas pÃldoras de formación
en distintas áreas, e un espazo de traballo gratuÃto nas
instalacións de ABANCA Innova. Amais, recibirán asesoramento de
forma semanal en materia de xestión (en áreas como mercadotecnia,
vendas, finanzas ou estratexia comercial) para desenvolver a súa
potencia e acelerar o seu proceso de medre.
Este
7 de febreiro as catro startups finalistas terán a
oportunidade de realizar a súa primeira proba ante investidores, ao
participar no Demo Day da LaconNetwork, o referencial foro de
investimento privado.