Lalín activa as súas novas redes públicas sen fíos: unha para o Arena e outra para a Biblioteca
xoves, 11 de abril do 2019
- O Lalín Arena nunha imaxe da Galipedia
Segue
adiante a estratexia activa de Lalín
para converterse en vila smart: eficiente,
sustentábel, mellor xestionada, participativa e conectada. O
máis recente paso neste sentido ten que ver coas conexións sen fíos
á Rede, que o Concello vai facer chegar a dous importantes inmóbeis
públicos do termo municipal: o Lalín Arena e máis a Biblioteca
Municipal. Os novos equipamentos, que se activan este venres 12 en
modo de probas, darán cobertura aos dous edificios e a súa
contorna.
A
iniciativa prolonga e impulsa o servizo de cobertura Wi-Fi iniciado
hai anos polo Concello, mellorando (agora) súas prestacións e
asentándose definitivamente grazas ao Plan Smart City Lalín, que
inclúe entre os seus eixos de acción a posta en funcionamento de
redes públicas sen fíos, gratuítas e seguras, en edificios
municipais e os espazos lindeiros.
As
redes Wi-Fi do Lalín Arena e da Biblioteca Municipal actívanse esta
fin de semana, entre outras cuestións pola gran cantidade de
actividades lúdico-culturais que vai albergar Lalín, como por
exemplo a Feira do Cabalo, que, segundo informa o Concello, “reunirá
moito público nos arredores do Arena e que polo tanto xa poderá
probar as novas conexións”. Unha vez probado e validado o servizo,
activarase de xeito definitivo e estenderase a outros edificios e
zonas públicas municipais como o Auditorio.
O
Concello anima aos cidadán a conectarse a partir de mañá ás novas
redes de conexión sen fíos, que servirán, tamén, para
proporcionar a conectividade que se precisa entre os os sistemas
incluídos no proxecto Smart City e a súa plataforma central de
control. Este proxecto implicará igualmente unha mellora da
seguridade no sistema de conexión Wi-Fi que será “moi potente”,
explica o Concello, e que funcionará baixo o sistema firewall,
que “permitirá garantir a seguridade de todas as redes do Concello
de Lalín”.
Os
traballos están a ser despregados pola operadora Vodafone,
adxudicataria do proxecto local.