Kingston leva as súas memorias USB ata os 128 Gb

Kingston presentou o que segundo a compañía é «a primeira memoria USB de 128 Gb do mundo». Estamos a falar das unidades DataTraveler 200, que están á venda en capacidades de 32, 64 e 128 Gb, aínda que a prezos bastante desproporcionados: 120 dólares (86,24 euros), 213 dólares (153,07 euros) e 547 dólares (393,10 euros) respectivamente.
Estas memorias USB son bastante robustas, miden 70,39 x 12,52 x 22,78 milímetros, inclúen o software de seguridade para Windows Password Traveler (para poder protexer a nova información) e, grazas á súa alta velocidade, tamén son compatibles coa tecnoloxía ReadyBoost de Windows Vista, que permite empregar a unidades coma caché para acelerar o sistema operativo.