Injustice: Gods Among Us verá a luz en abril de 2013

xoves, 20 de setembro do 2012 Marcus Fernández

Aproveitando a celebración do Tokyo Game Show, Warner Bros Interactive decidiu desvelar novos detalles sobre Injustice: Gods Among Us, xogo de loita de NetherRealms (desenvolvedores da franquía Mortal Kombat) como que o xogo sairá en abril de 2013 de xeito simultáneo para Xbox 360, PlayStation 3 e Wii U, de xeito que a nova consola doméstica de Nintendo xa non quedará marxinada dos lanzamentos como acontece actualmente (pois a consola aínda non está á venda).
Este prometedor xogo de loita estreou en Tokío un novo trailer no que podemos ver en acción a personaxes como Cyborg, Harley Quinn, Nightwing, Solomon Grundy, Superman, Flash, Wonder Woman, Batman e Catwoman, transmitindo bastante ben a brutalidade coa que en poucas ocasións puidemos ver aos personaxes máis populares de DC Comics.


Trailer de Injustice: Gods Among Us estreado esta semana

PUBLICIDADE