Port Designs presenta novas fundas para portátiles, máis vistosas e funcionais

Port Designs, a firma fabricante de solucións de transporte, protección e ergonomía para ordenadores portátiles, coa finalidade de que “non esquezamos totalmente as vacacións de verán”, vén de presentar as novas fundas Berlín, un novo modelo para miniportátiles e ordenadores de tamaño estándar, que lle aporta un toque de cor e simpatía ao noso día a día.
A compañía, pioneira na comercialización de accesorios especificamente deseñados para miniportátiles, reforza a súa aposta por este sector e o seu compromiso co deseño a funcionalidade, conceptos que considera “totalmente compatibles”.
Elegante e sinxelo á vez, o modelo Berlin está dispoñible en tres cores: marrón, vermello e negro, así como en tres tamaños distintos: un para miniportátiles de entre 9 e 11,6 polgadas, outro para portátiles de 13,3 polgadas e un terceiro para os que teñen entre 15,4 e 16 polgadas.
Esta variedade de cores e tamaños permítelle a practicamente tódolos usuarios de portátil atopar unha funda Berlín adaptada á medida dos seus gustos e necesidades.
O modelo Berlin está fabricado en escuma de neoopreno con efecto memoria; o seu exterior vén acolchado contribuíndo a reducir o impacto dos golpes e asemade, as orixinais pezas de koskin (imitación pel) dos laterais, aportan un toque de elegancia e resistencia extra.
Por outra bana, tanto o interior como o exterior da funda contan cun forro de nylon de 840D; o forro interior da funda marrón é verde, mentres que o da vermella e negra, de cor vermello.
A funda Berlín ábrese a 360°, o que permite acceder doadamente ao compartimento interior, especificamente deseñado para protexer o portátil, grazas ás pequenas tiras de suxeición situadas nas esquinas.
Ademais, dispón de dous petos exteriores adicionais para gardar documentos e accesorios, e transpórtase comodamente grazas ás súas discretas asas amovibles.
O seu prezo de venda ao público vai dos 29,99 € ata os 34,99 €, para os modelos máis grandes. A gama Berlín ten garantía de por vida e está dispoñible en tendas PC City, Mediamarkt e Saturn.