Ideaspropias poderá impartir certificados de profesionalidade on-line
venres, 18 de decembro do 2015
Ideaspropias, editorial
con sede en Vigo centrada no deseño de contidos docentes
multisoporte (dende manuais a libros electrónicos, pasando por
cursos telemáticos) vén
de obter a acreditación para impartir certificados de
profesionalidade en modo teleformación (ensino a distancia a
través das novas tecnoloxías). O recoñecemento en cuestión vén
da man do Ministerio de Emprego e Seguridade Social, a través do
Servizo Público de Emprego Estatal (SEPE). En virtude deste aval,
Ideaspropias poderá achegar ensino profesional para o emprego
referido a especialidades formativas
incluídas no catálogo
que xestiona o SEPE.
Segundo fan saber dende a
editorial galega, a obtención desta acreditación supón “un
importante
logro e é froito do
esforzo de varios meses dun grupo de trinta persoas”.
Como dixemos,
Ideaspropias é unha editorial especializada no desenvolvemento de
contidos didácticos multisoporte cuxa misión é “ofrecer
solucións integrais para a formación”. A firma caracterízase,
nas súas palabras, por “dar unha resposta de calidade ás
necesidades de manuais formativos e guías didácticas así como de
cursos e-learning no ámbito da formación profesional e a
cualificación profesional”,