Huawei presenta os seu novos smartphones de alta gama
luns, 16 de outubro do 2017
- O Huawei Mate 10 ten pantalla de 5,9 polgadas con relación 16:9, de xeito que serÃa o máis tradicional dos novos smartphones (pese a apostar pola redución de marcos).
Huawei presentou
a súa nova familia de móbiles Mate 10, composta por tres terminais baseados
en procesadores Kirin 970 (cunha unidade de procesamento baseada en redes de
neuronas) e con cámara dual Leica: o Mate 10, o Mate 10 Pro e o Porsche Design
Mate 10.
O procesador deste novos smartphones de Huawei está fabricado con tecnoloxÃa de
10 nm, 8 núcleos, gráfica Mali-G72 de 12 núcleos e a primeira NPU (unidade de
procesamento de redes neuronais) deseñada para un dispositivos móbil. Tamén fai
uso dun novo IPS dual para poder aplicar a intelixencia artificial na
realización de fotografÃas.
- O Huawei Mate 10 Pro adopta unha relación de pantalla de 2:1 e incorpora resistencia á auga e ao po.
O Huawei Mate 10 ten
unha pantalla IPS case sen marcos de 5,9 polgadas e relación 16:9, conseguindo
unhas cores moi vivas grazas ao soporte de HDR10, como tamén fai a pantalla OLED de
6 polgadas do Mate
10 Pro, que pola súa banda opta por unha proporción de 18:9. As distintas proporcións de pantalla tamén afectan ao lector de pegadas dixitais, que no Mate 10 é frontal e no Mate 10 Pro ten que situarse na parte traseira. Outro detalle
polo que destaca o modelo Pro é por ter certificación IP67, ou sexa, que é
resistente á auga e ao po.
Nas cámaras tamén estamos ante móbiles moi competentes, incorporando na súa
parte traseira sensores de 12 MpÃxeles en cor e 20 MpÃxeles en monocromo con
certificación Leica, estabilización óptica de imaxe e unha impresionante
apertura (f/1.6). Poden aplicar efecto de desenfoque selectivo mediante
intelixencia artificial, á vez que tamén aproveita o recoñecemento de obxectos
e escenas para elixir a configuración máis axeitada a cada momento.
Os novos smartphones de Huawei integran baterÃa de 4.000 mAh con carga rápida,
capaces de chegar do 1% ao 20% de carga en só 10 minutos, e do 1% ao 58% de
carga en 30 minutos.
O software co que funcionan os novos Mate 10 é EMUI 8.0, baseado en Android
8.0, de xeito que é un dos smartphones que está máis á última, destacando por integrar unha nova funcionalidade que
permite converter o dispositivo móbil nunha especie de ordenador persoal, de
xeito que pode facer espello da pantalla nun monitor externo ou funcionar coma
se fose un PC na liña do que fan os móbiles de alta gama de Samsung, pero sen
precisar dunha base do estilo da Samsung DeX Station, empregando unicamente un cable que converte o seu porto USB-C en HDMI (podendo completarse a experiencia cun teclado e un rato Bluetooth).
- O Porsche Design Huawei Mate 10 é unha aposta polo luxo e a grande capacidade de almacenamento.
O Huawei Mate 10 con 4 GB de RAM e 64 GB de almacenamento sairá a finais de mes a un prezo de 699 euros, mentres que o Huawei Mate 10 Pro con 6 GB de RAM e 128 GB de almacenamento farase esperar até mediados de novembro, e venderase a un prezo de 799 euros. Nesa última data tamén estará dispoñible o Porsche Design Huawei Mate 10 con 6 GB de RAM e 256 GB de almacenamento a un prezo de 1.395 euros. Este último terminal é unha revisión do Mate 10 Pro que presenta un acabado en negro diamante e accesorios de luxo (como unha funda de pel) co que parece que o fabricante chinés quere chamar a atención colocándose por enriba do prezo do iPhone X de 256 GB (que custará 1.329 euros).