Google integra chamadas telefónicas en Hangouts
mércores, 10 de setembro do 2014
Google anunciou hoxe a actualización da súa aplicación de
Hangouts, dando a coñecer o feito de que agora a aplicación para Android, iOS e
a web poderá
realizar chamadas de voz a outros usuarios de Hangouts de balde, á vez que
permitirá realizar chamadas telefónicas de balde en EE.UU. e Canadá e ao resto
do mundo a uns prezos bastante competitivos, cunha serie de tarifas que
podemos consultar en liña.
Detallan que no caso de iOS e a web as chamadas estarán dispoñibles cando se
abra a aplicación, mentres que os usuarios da aplicación
para Android deberán instalar unha
aplicación complementaria, Hangouts Dialer, que é a que activa a función de
chamadas telefónicas en Hangouts.
Realmente non estamos ante un servizo totalmente novo, senón que se trata da
integración do vello servizo Google
Voice en Hangouts, facendo máis accesible o servizo
telefónico que Google emprega dende 2009 grazas á adquisición en 2007 da compañÃa
GrandCentral, especializada no mercado da voz.