Google cancela o seu congreso para desenvolvedores por mor do COVID-19
martes, 3 de marzo do 2020
A
crise provocada polo COVID-19 continúa azoutando á industria tecnolóxica, e
tras a cancelación
do Mobile World Congress de Barcelona e do congreso
para desenvolvedores F8 de Facebook, asà como do adiamento
da Game Developers Conference, temos agora unha nova cancelación de grandes
dimensións: a do Google I/O.
O grande encontro para desenvolvedores de Google previsto para os dÃas 12-14 de
maio en Mountain View non terá lugar de xeito presencial, pois a preocupación
por mor do coronavirus fixo que decidisen cancelar o evento deste ano, anunciando
que explorarán xeitos de achegar aos desenvolvedores as súas últimas novidades
este ano.
Cómpre lembrar que eventos como Google I/O non se compoñen só de presentacións,
senón tamén de numerosos relatorios e obradoiros, que en moitos casos poden
seguirse a través da Rede, polo que boa parte destas actividades poderán
manterse sen grande problema, e incluso as presentacións máis importantes poden
realizarse a través de streaming, polo que o impacto real da cancelación
do Google I/O será principalmente simbólico, por confirmar a importancia que
este ano está a darse á crise do coronavirus.
Temos asà que os grandes eventos tecnolóxicos até o mes de maio terÃanse cancelado,
quedando como grande incógnita o que acontecerá cos do mes de xuño, como son a
WWDC de Apple a o E3, que continúan á espera de como evolucione a situación
global. De feito, dende
a organización do E3 polo momento aseguran que continúan a avanzar a toda
velocidade para facer que o evento sexa realidade este ano.
Outro evento que está actualmente no punto de mira é o festival South by
Southwest (SXSW), dende o que
aseguran estar a tomar medidas para unha celebración segura, pero que xa
rexistrou cancelacións sumamente importantes (TikTok, Facebook, Intel,
Twitter, Vevo...). Dado que o festival terá lugar dentro de pouco máis dunha
semana, a súa cancelación de última hora poderÃa ser sumamente problemática.
Precisamente unha das compañÃas que cancelou a súa participación no SWSW, Twitter,
comezou a tomar medidas drásticas contra o COVID-19 o pasado domingo, cando
pasaron a recomendar aos seus empregados que traballen dende casa, aÃnda que nas
oficinas en Hong Kong, Xapón e Corea do Sur o teletraballo será obrigatorio.