God of War: Ascensión destaca entre os xogos de PS Plus no mes de agosto

xoves, 30 de xullo do 2015 Marcus Fernández

O vindeiro día 4 Sony renovará a oferta de xogos incluídos sen custo adicional dentro de PlayStation Plus, de xeito que os subscritores poderán incluílos no seu catálogo instantáneo, continuando unha vez máis a apostar por moitos xogos independentes e en comercializados unicamente en formato descargable, incluíndo só un xogo de primeira liña, God of War: Ascensión, que a moitos compensaralles por contar tanto cun modo historia como cun modo multi-xogador en liña, polo que garante bastantes horas de diversión na PlayStation 3.

JPEG - 79 KB
Lara Croft and the Temple of Osiris para PS4 estará dispoñible para os usuarios de PS Plus

Os xogadores de PlayStation 4 poderán facerse pola súa banda con Lara Croft and the Temple of Osiris, a segunda entrega dun spin-off de Tomb Raider que desta volta trasladará a acción a Exipto, onde colaborar co cazatesouros Carter Bell e os deuses Horus e Isis para derrotar ao deus do mal, Set. Outro xogo para PlayStation 4 incluído en agosto en PS Plus é o orixinal e desacougante Limbo.
A oferta de xogos do mes de agosto complétase cos títulos independentes Stealth Inc 2: A Game of Clones (para PS4, PS3 e PS Vita), CastleStorm Complete Edition (para PS3 e PS Vita) e Sound Shapes (para PS4, PS3 e PS Vita).

JPEG - 135.9 KB
God of War: Ascensión foi a primeira entrega da saga en incluír modo multi-xogador


Vídeo no que dan conta dos xogos incluídos no mes de agosto en PS Plus

PUBLICIDADE