GeForce Now chega a Xbox a través do navegador web
luns, 25 de outubro do 2021
O servizo de xogos en streaming de nVIDA, GeForce Now,
anunciou nos últimos dÃas un importante salto de calidade ao permitir contratar
a posibilidade de aproveitar
a potencia de gráficas GeForce Now RTX 3080 para conseguir xogos a 1.440p a 120
imaxes por segundo en PC ou Mac, mentres que nun dispositivo nVIDIA SHIELD
TV pode correr até a 4K con HDR a 60 imaxes por segundo, en ambos casos cunha
reducida latencia que se aproxima á experiencia de xogo en local.
Pero para moitos a grande sorpresa non foi esa, senón a posibilidade de poder
correr GeForce Now dentro do navegador Microsoft Edge de Xbox, ou sexa, que
os usuarios dunha consolas de Microsoft poderán agora gozar na súa máquina de máis
dun milleiro de xogos de PC grazas ao xogo na nube. Un dos detalles máis
interesantes desta opción é que que o navegador Edge tamén ten soporte de rato
e teclado, polo que incluso serÃa posible gozar de xogos que non están
adaptados ao seu uso con mando.
Lembremos que GeForce Now é un servizo de subscrición, aÃnda que na súa versión
de balde é posible empregalo con certas limitacións (con gráficos cunha
calidade limitada e sesións de xogo de até unha hora de máximo).
Cómpre lembrar que Xbox Cloud Gaming ten previsto ofrecer tamén xogos completos
de PC a consolas Xbox no futuro, opción que tamén pode resultar atractiva,
especialmente polo feito de que inclúe xogos, mentres que con GeForce Now os
xogos hai que adquirilos aparte.