Galicia contará cun sistema autonómico de Big Data para coñecer o perfil dos turistas
luns, 19 de abril do 2021
O
Goberno galego quere tirar proveito da Intelixencia Artificial e da
análise da información a gran escala para tomar as mellores
decisións en materia turística e achegar os máis óptimos servizos
tanto a quen vén de fóra como a quen fai turismo sen saír da súa
terra. En base a isto, a
Xunta iniciou os días pasados o proceso de licitación para o
desenvolvemento e activación dun sistema de Big Data
turístico cun valor estimado de máis de 1,5 millóns de euros.
Botarase man del para, entre outras cousas, coñecer mellor os
turistas e xestionar a información de reservas e ocupación.
En
concreto, o sistema permitirá á Axencia Turismo de Galicia
“dispoñer de información analítica avanzada, mediante o uso da
tecnoloxía Big Data, sobre gasto turístico, reservas
turísticas, ocupación, mobilidade ou sentimento e opinión de
turistas e cidadáns”.
A
implementación e explotación do sistema é parte do proxecto
Eurorrexión destino Turístico Intelixente (EDIT), no que participan
a Axencia Turismo de Galicia e a Axencia para a Modernización
Tecnolóxica de Galicia (AMTEGA), xunto con socios do Norte de
Portugal, e que conta co respaldo do Fondo Europeo de Desenvolvemento
Rexional (FEDER).
As
empresas interesadas na prestación deste servizo disporán ata o 20
de maio para a presentación de propostas a través do Portal de
Contratos Públicos de Galicia.
Esta
actuación enmárcase no obxectivo de desenvolver unha cultura e
turismo intelixentes, que representa un dos eixos da Estratexia
Galicia Dixital 2030 (EGD2030), cuxo obxectivo é consolidar “un
turismo intelixente en Galicia a través de solucións innovadoras
que faciliten a interacción co visitante e incrementen a calidade da
súa experiencia”. Promoveranse tamén servizos dixitais avanzados
arredor do Camiño de Santiago e outros espazos de interese
turística.