GDocs leva Google Documents aos móbiles con Android

Mentres Google non lanza unha aplicación para Android que permita acceder ao servizo Google Documents con certa solvencia, podemos optar por unha ferramenta de balde chamada GDocs, que é un editor/visualizador para o devandito servizo que permite crear, editar, ver, importar, exportar e enviar documentos, xestionar múltiples contas de usuario, ver documentos PDF e sincronizar documentos automaticamente. Funciona dende Android 1.5 e superior, aínda que polo momento só está dispoñible en inglés, francés, alemán, húngaro, noruego, ruso e romanés, aínda que agardan que en breve estea dispoñible en moitas máis linguas grazas á contribución dos seus usuarios.