Final Fantasy IV estrea versión para iPhone e iPad

xoves, 20 de decembro do 2012 Marcus Fernández

Este xogo foi o que incorporou o Active Time Battle á saga

Os seareiros da franquía Final Fantasy de Square Enix están a poder recuperar as primeiras entregas da saga grazas a dispositivos móbiles, e o novo capítulo en chegar á App Store como aplicación universal para iPhone e Android por un prezo de 14,49 euros é Final Fantasy IV, título publicado inicialmente en 1991 e que tivo grande éxito polos seus personaxes e as súas tramas, destacando por ser o primeiro título en incluír o sistema Active Time Battle (ATB) que caracterizaría ao resto de entregas da serie. Tamén marcou a primeira aparición do sistema de aumentos, que permitía transferir habilidades a outros personaxes para axudar aos xogadores nas batallas.
Esta adaptación de Final Fantasy IV chega traducido ao español, ten gráficos tridimensionais renovados, conta cunha dificultade axustada para mellorar a xogabilidade e é compatible con Game Center.

Final Fantasy IV chega a iOS con textos en español

PUBLICIDADE