Filtradas nun foro ruso até 4,93 millóns de contrasinais de Gmail e Google Plus

xoves, 11 de setembro do 2014 Redacción

A páxina rusa btsec.com amosou esta semana unha captura de pantalla dunha base de datos onde figuraban case cinco millóns de contrasinais de contas de Gmail, Google Plus, Yandex e Mail.ru. Ao parecer, o achado amosado polo servizo btsec.com achega unha validez do 60% na correlación usuarios-contrasinais. Porén, a división rusa de Google (Google é propietaria de Gmail) sinalou pouco despois da aparición destes datos que estes son antigos e non están actualizados, ou sexa que se trata de contas fóra de uso ou claves desfasadas.
Google sinalou a maiores que a información xerada podería ser o froito de moitos anos de actividade hacking, polo que moitos dos datos serían antigos de máis como para ter comprometido de verdade a seguridade de seu. Amais de usuarios hispanofalantes, tamén hai afectados que se comunican en inglés e ruso. Ao parecer, unha boa parte deles xa están a comprobar se a súa información persoal está comprometidas. O filtrado (4,93 millóns de datos) é un capítulo máis dunha longa listaxe de filtrados con raizame en Rusia.

PUBLICIDADE