Fatal Fury estrea a emulación de Neogeo na Wii

A consola virtual para a Nintendo Wii non para de incorporar videoxogos clásicos á súa oferta, de xeito que mediante emulación permite rememorar xogos para distintas plataformas nas que agora se suma a Neogeo, que é un dos sistemas de máis éxito nos salóns recreativos.
Os usuarios de Wii poden descargar agora algúns dos xogos para tal representativa consola, estreándose co xogo de loita Fatal Fury, ó que seguirán World Heroes e Art of Fighting nun primeiro momento (tralo que chegarán moitos outros títulos recoñecibles por calquera afeccionado ós videoxogos) e que se poden adquirir por 900 puntos Wii.